NGA ZONJA VJOLLCA
400 gr mish pule
1 kokërr qepë të kuqe
1 lugë gjelle gjalpë
Kripë
Piper i zi
Vaj për skuqje
Për salcën:
250 ml uthull balsamike
2 lugë gjelle sheqer
Fillimisht vendosim qepën dhe gjalpin në tigan. E kaurdisim qepën për 7-10 minuta derisa ajo të bëhet transparente. Hapim filetot e pulës dhe pasi i pudrosim me kripë dhe piper vendosim brenda qepën dhe më pas i fiksojmë me stikadent. I kalojmë filetot e pulës në tigan me pak vaj të nxehtë derisa të fillojnë të zverdhen pak dhe më pas i vendosim në furrë në temperaturën 180 gradë Celsius për 25-30 minuta. Ndërkohë përgatisim salcën duke vendosur në një tigan 250 ml uthull balsamike dhe dy lugë gjelle sheqer. E lemë në zjarr në temperaturë të ulët derisa salca të fillojë të trashet. Nxjerrim filetot e pulës nga furra, i presim në feta dhe i servirim me salcën e përgatitur me uthull balsamike.
(d.b/BalkanWeb)