BUENOS AIRES-Dario Grandinetti, një nga aktorët më të njohur argjentinas në botë, do të interpretojë rolin e Jorge Mario Bergoglio në një film që do të xhirohet mes Buenos Airesit, Madridit dhe Romës gjatë muajve të ardhshëm, njoftoi sot media lokale argjentinase që i referohet revistës “The Hollywood Reporter”.
Filmi bazohet mbi biografinë e papës me titull ”Françesku, jeta dhe revolucioni”, shkruar nga gazetarja e ”La Nacion”, Elisabetta Piquè.
Biografia kufizohet në periudhën kur Jorge Mario Bergoglio ishte kardinal dhe peshkop i Buenos Airesit.
Ai u zgjodh papë më 13 mars të vititi të kaluar.
Skenat e para të filmit me regjisor Beda Docampo Feijoo do të fillojnë të xhirohen pas 12 janarit në Buenos Aires.
Ndërkohë, në korrik filmi do të dalë në kinema.
(d.b/BalkanWeb)