Rritja ekonomike botërore, që pritet gjatë gjashtëmujorit të dytë të 2019, mund të komprometohet nga rikthimi i tensioneve tregtare mes SHBA-së dhe Kinës, paralajmëroi sot shefja ekonomike e Fondit Monetar Ndërkombëtar (FMN).

“Ndonëse impakti mbi rritjen botërore është për momentin relativisht modest, përshkallëzimi i ri (i luftës tregtare) mund të përkeqësojë seriozisht klimën e biznesit dhe besimin tek tregjet financiare”, thekson Gita Gopinath në një deklaratë të përbashkët me asistentin e saj Eugenio Cerutti dhe ekonomistin, Adil Mohommad.

“Lufta tregtare trazon kanalet e prodhimit dhe mund të komprometojë rifillimin e rritjes ekonomike botërore të parashikuar më 2019”, thuhet në deklaratë./ATSH

BalkanWeb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb