Forcat qeveritare siriane hynë në qytetin Manbixh për herë të parë në gjashtë vjetët e fundit, pasi një milici kurde i bëri thirrje Damaskut për të mbrojtur qytetin nga kërcënimi i një ofensive ushtarake turke raporton rel. Forcat Demokratike Siriane të udhëhequra nga një milici kurde e mbështetur nga SHBA-të, morën qytetin e Manbixhit nga militantët e Shtetit Islamik më 2016.


Turqia e sheh këtë formacion ushtarak të kurdëve si dorë e zgjatur Partisë së Punës Kurdistane e cila është e ndaluar në Turqi, si dhe është zotuar se do ta shkatërrojë atë.


Erdogan zotohet për “pastrimin” e Sirisë nga kurdët dhe militantët e IS-it


Vendim i Forcave Demokratike Siriane për të bashkëpunuar me Qeverinë siriane, vjen pasi Presidenti i Shteteve të Bashkuara, Donald Trump, më 12 dhjetor, vendosi të tërheqë të gjitha trupat amerikane nga Siria.

“Nënshkruhet” urdhri për tërheqjen e trupave amerikane nga Siria

Ushtria siriane tha të premten se flamuri sirian u ngrit në qytetin e Manbixhit dhe se do të garantojë sigurinë “për të gjithë qytetarët e Sirisë dhe të tjerët që janë të pranishëm në rajon”.

Rusia e përshendeti këtë veprim. Zëdhënësi i Kremlinit, Dmitri Peskov tha se prania e trupave qeveritare do të “ndihmojë në stabilizimin e situatës”.

Rusia është një mbështetëse kryesore e qeverisë siriane në luftën shtatëvjeçare, ndërsa Turqia ka mbështetur grupe rebele që luftojnë kundër forcave të presidentit Bashar al-Assad.

BalkanWeb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: