Franca ka mundur pastër me rezultatin 2-0 Uruguain duke u bërë gjysmëfinalistja e parë e Botërorit.
Një ndeshje e balancuar që u zhbllokua pak para fundit të pjesës së parë. Një kros i Griezman dhe një goditje e saktë me kokë e Varane-s bëri që Franca të kalonte në avantazh.
Në fillimin e fraksionit të dytë të lojës amerikano-latinët ishin akoma më agresiv dhe kërkues, por nuk realizuan deri në çastin që Griezman u preu krahët.
Një gjuajtje potente e 26-vjeçarit nga jashtë zone dhe një grushtim i dobët i portierit Muslera solli golin e dytë për “gjelat”. Për 30 minuta skuadra e Deschamps menaxhoi rezultatin duke u bërë kështu skuadra e parë që siguron gjysmëfinalet, aty ku do të ndeshet me skuadrën fituese të çiftit Brazil-Belgjikë.
Ndërkohë edhe pse u mundën Uruguai largohet me kokën lart nga Botërori. Një skuadër me shumë dëshirë dhe vullnet, por që duhet të largohet për shkak të cilësisë së madhe të kundërshtarit.
Urguai 0-2 Franca
Komenti i ndeshjes
90+5′ Përfundon takimi
61′ Një ‘predhë’ e Griezman nga jashtë zone dhë një reagim i dobët i portierit sjell golin e dytë për Francën
46′ Nis pjesa e dytë
45+2′ Përfundon pjesa e parë
40′ Franca në avantazh, Varan realizon me kokë
1′ Ka nisur takimi
Formacionet zyrtare
(e.k/BalkanWeb)
