Europa i nënshtrohet për të 3 vit radhazi Real Madrid. “Galaktikët” kanë mposhtur 3-1 sonte në finale Liverpool-in duke e çuar në 13 numrin e trofeve me “veshë të mëdhenj” në historinë e tyre.
Ndeshja u zhbllokua nga Benzema, i cili përfitoi nga një gabim i portierit Karius, por pas vetëm 4 minutash Mane solli baraspeshën.
Gjithsesi lojtari vendimtar padyshim do rezultonte Garreth Bale, i cili u fut si zëvendësues në minutën e 61 duke marrë vendin e Isco-s. Uellsiani fillimisht realizoi në të 64-r, me një roveshiatë e cila do të mbesë gjatë në histori. Reali kalon sërish në avantazh.
Liverpool do kërkonte dëshpërimisht për disa minuta golin, por ai nuk do të vinte. Në të 83-n Bale vulosi gjithçka, me një goditje nga një distancë shumë e largët, me topin që përfundoi në rrjetë falë edhe portierit Karius, që sonte bëri një paraqitje për t’u harruar.
Komenti i ndeshjes
Real Madrid 3-1 Liverpool
83′ Bale i papermbajtshem
70′ Liverpool shumë pranë golit, Mane godet shtyllën
64′ Bale shënon golin e dytë për Real. Një eurogol
61′ Bale hyn në fushë, merr vendin e Isco-s
59′ Karius bën një pritje vendimtare për Liverpool
55′ Mane barazon rezultatin
51′ Karim Benzema shenon gol, dalje e gabuar e portierit te Liverpool, Karius
48′ Isco godet transversën, me fat Liverpool
46′ Nis pjesa e dytë mes Real Madrid dhe Liverpool
45+1′ Përfundon pjesa e parë
43′ Real Madrid kalon në avantazh me Benzema, por arbitri e anullon për pozicion jashtë loje
37′ Edhe Carvahal pëson të njëjtin fat si Salah, largohet me lot në sy nga finalja
31′ Salah largohet i dëmtuar nga finalja. Sytë e mbushur me lot të egjiptianit i cili nuk ia del pas një kapje të Ramos
#UCLfinal
Mohamed Salah has just left the #UCLfinal in tears https://t.co/rf6PECoBkv #MoSalah #ChampionsLeagueFinal #liverpool pic.twitter.com/PcH89GIswr— Real News Line (@RealNewsLine) May 26, 2018
23′ Firminho godet nga brenda zonës por nuk arrin dot të shënojë. Më pas Navas ndal një gjuatje të Arnold
1′ Nis finlja e “Champions League”
20:30-Përfundon performanca e këngëtares shqiptare Dua Lipa në finalen e “Champions League”.
Futbolldashësit sidomos në Europë, por edhe në botë, sonte do të ‘gozhdohen’ para televizionit pasi në Kiev do të luhet finalja e “Champions League” mes Real Madrid dhe Liverpool.
“Galaktikët” e drejtuar nga Zidan synojnë triumfin e 3 radhazi në këtë kompeticion dhe të 13-n në histori, ndërsa për Liverpool do të ishte i 6-i, 13 vite pas asaj finaleje dramatike në Stamboll kundër Milanit.
Të dy skuadrat kanë lënë mjaft ‘viktima’ rrugës, ndërsa sonte për 90 minuta do të përpiqen t’i japin goditjen përfundimtare njëra-tjetrës, për t’i treguar Europës madhështinë tyre.
Real Madridi apo Liverpool, Cristiano Ronaldo apo Mohamed Salah, Zidan apo Kloop, verdiktet do të jepen pas pak.
Formacionet zyrtare
(e.k/BalkanWeb)