Franca falë një fitoreje minimale 1-0 kundër Belgjikës ka arritur të sigurojë finalen e Botërorit e cila do të luhet më 15 korrik në Luzhniki të Moskës.
“Gjelat” ia kanë dalë të mundin ‘djajtë’ vetëm falë golit të Umtiti-t të realizuar në minutën e 51-t. Pas një pjesë të parë të mbyllur me shifrat 0-0, në fraksionin e dytë të lojës qendërmbrojtësi mposhti me kokë pas një krosi portierin Courtois.
Për më shumë se 40 minuta Belgjika u përpoq të gjente golin e barazimit, por nuk arriti, duke dështuar kështu të sigurojë për herë të parë finalen e një Botërori.
Kujtojmë që Franca në finale do të luajë me fituesin e çiftit tjetër gjysmëfinalist Anglia-Kroaci.
Francë 1-0 Belgjikë
Komenti i ndeshjes
90+6′ Ka përfunduar takimi
90′ 6 minuta shtesë
51′ Umtiti kalon Francën në avantazh, ndëshkon me kokë Belgjikën
46′ Ka nisur pjesa e dytë
45′ Përfundon pjesa e parë
38′ Mbrojtësi pavard humb një rast mjaft të pastër nga brenda zonës
21′ DE Bruyne i shkon shumë pranë golit, Lloris bën heroin për ‘gjelat’
19′ Përgjigjet menjëherë Belgjika me Hazard që nga brenda zone i shkon shumë afër golit, por një devijim shpëton Francën
18′ Blaise Matuidi tenton nga jashtë zone, por Coutois reagon mirë pasi gjendet i pozicionuar
1′ Ka nisur takimi
Formacionet zyrtare
(e.k/BalkanWeb)