Gjermania ka marrë një fitore në frymën e fundit por shumë të rëndësishme kundër Suedisë në takimin e dytë të grupit. Skuadra e drejtuar nga Low falë ka siguruar 3 pikët falë përmbysjes me rezultatin 2-1.

Kampionët e botës në fuqi u ndëshkuan në minutën e 32-t nga Toivonen, para se Reus të barazonte rezultatin në fillimin e pjesës së dytë.

Më tej kampionët e botës tentuan në të gjithë mënyrat, por herë për meritë të portierit kundërshtar e herë për mungesë të finalizimit e patën të vështirë të shënonin.

Në minutën e 82-t gjërat do përkeqësoheshin akoma dhe më shumë pasi Boateng la ekipin me 10 lojtarë. Por atëherë kur nuk pritej, Toni Kroos, ekzaktësisht në minutën e 5 shtesë shënoi golin e fitores.

[team_standings 796699]

Gjermani 2-1 Suedi

Komenti i ndeshjes

90+6′ Përfundon takimi

90+5′ Gol Toni Kroos

82′ Boateng del me të kuqe. Arbitri i jep të dytin e verdhë pasi konsultohet me “VAR”

48′ Reus barazon rezultatin. Nuk fal nga fare pranë

46′ Nis pjesa e dytë. Zëvendësim te Gjermania, në lojë Gomez jashtë Draxler

45+2′ Mbyllet pjesa e parë

32′ Toivonen kalon në avantazh Suedinë

12′ Suedia i afrohet shumë golit, Berg nuk shënon përballë Neuer

9′ Aksion i rrezikshëm i Gjermanisë. Reus fut një top në zonë, por Werner nuk e shtyn dot

3′ Gjermania e nis vrullshëm. 3 tentativa të njëpasnjëshme brenda zonës, me fat Suedia

1′ Ka nisur takimi

Do të luhet në orën 20:00 ndeshja mes Gjermanisë dhe Suedisë, e vlefshme për Grupin F të Botërorit.

Kampionët në fuqi të botës vijnë pas një humbje 0-1 ndaj Meksikës ndaj sot do të kërkojnë me patjetër fitoren për të patur në dorën e tyre mundësinë e kualifikimit.

Nga ana tjetër ekipi suedez do të ishte i kënaqur edhe me një barazim, duke parë që ndeshjen e parë fituan përballë Koresë së Jugut.

Formacionet titullare

(e.k/BalkanWeb)