Thomas Strakosha bëri ç’ishte e mundur për Lazio-n që të kalonte në finalen e Kupës së Italisë, por 2 penalltitë e pritura prej tij kundër Milan-it nuk shërbyen që skuadra të kalonte më tej.
Gjithsesi për gardianin shqiptar vlerësimet ishin pozitive, me mediat italine që nuk i kursyen lëvdatat duke e shpallur edhe si më të mirin. Por Strakoshës i ka ardhur edhe një kompliment i veçantë në rrjetet sociale. Bëhet fjalë për Sokol Cikalleshin.
Sulmuesi i Kombëtares dhe Osmanlıspor në foton e publikuar të Strakoshës në rrjetet sociale në lidhje me përballjen kundër Milan ka shkruar: “I madhi Strakosha”.
(e.k/BalkanWeb)