Ish-kryeministri i Shqipërisë Sali Berisha ka postuar fotografi nga takimi që ka pasur me liderin e Vetëvendosjes Albin Kurtin.
Berisha me anë të një statusi në “Facebook” shprehet se ka zhvilluar një takim tepër miqësor me Kurtin, lider i VV dhe kryeministër i ardhshëm i Kosovës. Po ashtu, Berisha shprehet se në takim u bisedua për marrëdhëniet Shqipëri – Kosova, por edhe ato rajonale.
Postimi i ish-kryeministrit Sali Berisha:
Takim me kryeministrin e ardhshem te Kosoves dhe kryetarin e Levizja Vetevendosja, zotin Albin Kurti!
Te dashur miq, sot prita ne nje takim kryeministrin e ardhshem te Kosoves dhe Kryetarin e Levizjes Vetevendosja, z. Albin Kurti dhe zoterinjte Liburn Aliu, deputet i kesaj partie dhe Arber Zaimi keshilltar i kryetarit te LVV.
Ne kete takim i shpreha dhe njehere zotit Kurti urimet e perzemerta per fitoren e tij dhe Levizjes Vetevendosja ne zgjedhjet e fundit paralamentare ne Kosove duke theksuar se zgjedhjet e fundit ishin historike, qytetaret e Kosoves me voten e tyre mandatuan ndryshimin, mandatuan koaliconin LVV-LDK, Albin Kurtin, Vjosa Osmanin per udheheqjen e vendit ne rrugen e ndryshimit dhe integrimeve europiane dhe euroatllantike.
Ne kete takim diskutuam gjeresisht mbi zhvillimet ne rajon dhe bashkepunimin midis Shqiperise dhe Kosoves ne interesin me te mire te dy vendeve dhe te kombit tone si dhe bashkepunimit rajonal.
Takimi ishte i hapur dhe miqesor! sb
(d.xh/Balkanweb)
