MIRDITË
Ndërhyrja në kohë e zjarrfikëses dhe e banorëve të fshatit Domgjon në Mirditë ka shpëtuar nga zjarri anëtarët e familjes së Mark Ndokës.
Shtëpia dykatëshe e kryefamiljarit është përfshirë nga flakët, ndërsa shkak është bërë fëmija i vogël i familjes, i cili dyshohet se në momentin e zjarrit kishte në dorë një shkrepëse dhe po luante me të.
Kanë qenë vetë të afërmit e familjes që kanë denoncuar rastin në “BalkanWeb”. Sipas tyre, kati i parë i shtëpisë dykatëshe është djegur plotësisht nga flakët, ndërsa apelojnë për ndihmë.
(n.m/BalkanWeb)