Gianluiggi Buffon, portieri i Paris SG, dje deklaroi se ‘ndihet më mirë se para 5 vitesh dhe se për formën e tij nuk duhet të shqetësohen’.
1 ditë pas kësaj deklarate futbollisti është fotografuar duke tymosur në rrugët e Parisit. Ai së bashku me të fejuarën Ilaria D’Amico fillimisht kanë ngrënë në kryeqytetin francez, ndërsa më pas kanë vijuar të ecin.
Gjatë kësaj kohe portieri 40-vjeçar është kapur mat duke tymosur një cigare. Nuk dihet nëse ishte e planifikuar apo jo, por pas pak minutash trajneri Tuchel i Parisit u takua në rrugë me çiftin.
“SunSport” më herët ka shkruar se trajneri gjerman, i cili është katër vite më i madh se Buffon, kishte frekuentuar të gjithë lokalet e natës dhe restorantet ku shkonin lojtarët, në mënyrë që të zbulonte se çfarë pëlqenin të hanin ata.
(BalkanWeb)