ELBASAN- Drejtuesit më të lartë të Policisë së Shtetit kanë udhëtuar sot drejt Elbasanit ku do të luhet ndeshja Shqipëri-Izrael e vlefshme për eliminatoret e kampionatit botëror Rusi 2018.
Nisur edhe nga dyshimet për akte terroriste, prej ditësh Policia e Shtetit ka ndërmarrë masa të larta sigurie. Sot Drejtori i Përgjithshëm i Policisë Haki Çako dhe drejtuesit më të lartë kanë ‘zbarkuar’ në “Elbasan Arena” ku është zhvilluar një instruktazh me komandantët e grupeve në terren.
Policia e Shtetit si për çdo aktivitet ndërkombëtar ka marrë të gjitha masat për mbarëvajtjen e ndeshjes së futbollit mes Shqipërisë dhe Izraelit.
Po kështu, Drejtori i Policisë së Shtetit Drejtues Madhor Haki Çako sëbashku me zv.drejtorin e Policisë se Shtetit, Drejtues i Lartë Rebani Jaupi dhe me Drejtorin e Përgjithshëm për Sigurinë Drejtues i Lartë, Altin Qato, kanë inspektuar grupin e drejtimit të ngritur posaçërisht në sallën e komandimit të lëvizshme.
(m.k/BalkanWeb)