LIVORNO

Policia italiane ka gjetur dhe sekuestruar një sasi të madhe droge, ndërsa një shqiptar është vënë në pranga, i cili mendohet të jetë pronar i saj. Sipas mediave italiane, pesha e drogës së sekuestruar arrin në 830 kilogramë.

Mediat raportojnë dhe hedhin dyshime se droga është zbuluar pas raportimit të një qytetari përmes një aplikacion i njohur si ‘Youpol’, i cili ndihmon qytetarët të bashkëpunojnë me policinë në raste të tilla. Ai ka pohuar  se kishte parë një person të dyshuar dhe të armatosur na një lagjet toskane dhe vendosi të denoncojë si rast.

Menjëherë pas këtij rasti, autoritetet nisën kontrollet dhe gjurmimet për shqiptarin duke bërë të mundur kapjen e tij dhe sekuestrimin e lëndës narkotike. Droga u gjet në një garazh dhe ishte ndarë në pako e gatshme për të dalë në treg. Sipas të dhënave të para, droga nëse do dilte në treg do kapte vlerën e 2 milionë eurove.

(n.m/BalkanWeb)