ROME

Karabinieria e Romës ka arrestuar gjithsej 21 persona, anëtarë të dyshuar të një bande kriminale që merrej me trafik droge dhe vepronin në periferi të kryeqytetit të Italisë.

Ky operacion u kodua “Luciferi 2017” dhe u koordinua me oficerët e policisë antimafia të Romës. Dje në mëngjes janë arrestuar të gjithë të dyshuarit dhe janë vendosur në paraburgim, shkruajnë mediat italiane.

Midis të arrestuarve janë elementë të shquar të krimit romak, përfshirë Fabrizio Capogna (që i përkasin familjes së njohur Capogna) dhe Gaetano Giuseppe Mazza, të dyshuar për krime që lidhen me shpërndarje droge.

Po ashtu, i arrestuar është edhe italiani Davide Barberis. Ky i fundit po ashtu njihet si personazh krimi dhe hetuesit thonë se ka lidhje të ngushta me nëntokën e krimit shqiptar.

(d.xh/Balkanweb)