Carlo Ancelotti është pa diskutim një legjendë, për më tepër në Madrid, ku vijon të shijojë suksese të mëdha. Përballë Chelsea-t, Don Carlo arriti fitoren e 35 në 47 ndeshje në Champions duke u shndërruar në trajnerin me më shumë fitore në historinë e Realit Madrid në këtë kompeticion.
Pavarësisht se e ardhmja e tij është e paqartë, këto fitore, mbi të gjitha në Champions, përforcojnë pozitat e tij, në këto kushte është thuajse e pamundur që Perez të mos e lejojë të vijojë kontratën që i përfundon në 2024.
Për fatin e mirë, Ancelotti, në këtë aventurë të tij në Madrid, ka pasur në dispozicion një “bomber” si Karim Benzema. Sulmuesi francez është i papërmbajtshëm në ndeshjen me eliminim direkt.
Në nëntë sfidat e fundit, pa përfshirë ndeshjet në fazën e grupeve, Benzema ka shënuar 14 gola, shifra të jashtëzakonshme.
(BalkanWeb)
