VLORË
Policia ka identifikuar dhe ka shoqëruar dy personat, të cilët dyshohet se pasditen e sotme dhunuan turistin rus në zonën e “Ujit të Ftohtë”. Policia e Vlorës thotë se dy adoleshentë janë identifikuar me iniciale K.A dhe K.L.
Dy të rinjtë u pikasën nga turisti duke dhunuar një qen në afërsi të një ndërtese të braktisur. Por ai teksa ka parë skenën e turpshme ka dalë nga makina duke kërkuar llogari nga të rinjtë se pse po dhunonin qenin.
Në këtë moment, të rinjtë kanë dhunuar edhe turistin rus i identifikuar si Sergey Dzambula dhe në trupin e tij shquhen qartë shenjat e dhunës ku dhe është gjakosur. Veprimi i turpshëm i të rinjve nuk ka përfunduar me kaq. Ata nën demonstrimin e forcës kanë tentuar t’i grabisin edhe telefonin celular.