Një punonjëse e zjarrfikëses ka ndërtuar një “ushtri” me ndjekës në Instagram falë pamjes së saj dhe këshillave të fitnesit që jep. Përveç se shpëton jetë, 30-vjeçarja Gunn Narten nga Norvegjia gjithashtu punon edhe si instruktore fitnesi.

Zjarrfikësja thotë se njerëzit shpesh janë habitur me zgjedhjen e profesionit të saj por vetë Gunn e ka dëshiruar këtë punë për vite dhe e bën me dëshirë.

“Unë vendosa të bëhesha zjarrfikëse kur isha 19 vjeç, gjithmonë më ka pëlqyer të jem aktive dhe të jem pjesë e një skuadre. Ishte zgjedhje e imja për të cilën nuk jam penduar kurrë dhe e dashuroj punën time,” tha Gunn.

“Kur ia tregova nënës time ajo tha nuk kam parë kurrë një zjarrfikëse femër më parë, ndërsa unë iu përgjigja pse të mos jem unë,” tha ajo.

(BalkanWeb)