TIRANË
Pasi u betua tek noterja, Arta Vorpsi nuk ka humbur kohë, por i është drejtuar menjëherë Gjykatës Kushtetuese. Gazetari i “BalkanWeb”, Ergys Gjençaj raporton se Vorpsi sapo ka hyrë në ambientet e brendshme të Gjykatës dhe për këtë ka siguruar edhe një foto të Vorpsit, e cila duket teksa ngjit shkallët e këtij institucioni.
Anëtarja e re e Kushtetuese, Arta Vorpsi, e cila mori bekimin e noteres Miranda Xhemalçe theksoi se do t’i qëndrojë besnike Kushtetutës gjatë ushtrimit të kompetencës së saj.
Kreu i shtetit, Ilir Meta në komunikimin e gjatë me mediat mbrëmjen e djeshme pasi kritikoi ashpër KED-në la të kuptohet se nuk do të thërriste Arta Vorpsin për betimin zyrtar.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
