DURRES- Kanabisi është kthyer në një fenomen vërtet shqetësues për vendin tonë, jo vetëm sa i përket kultivimit e trafikimit të tij, dëmtimit të imazhit ë Shqipërisë, etj; por tashmë ka prekur edhe ata që i kemi më të shtrenjtë, fëmijët.
Ndonëse alarmi është ngritur disa herë, edhe në shkolla të tjera të kryeqytetit, rasti i shënuar në një shkollë 9-vjeçare në Durrës është tejet shqetësues.
Një nxënësi i klasës së nëntë të kësaj shkolle tregon se çfarë ndodh në klasën e tij gjatë një dite normale mësimi.
Ai sjell në redaksinë e JOQ, fotot e një shoku, i cili është ulur në bankën e fundit, mban në dorë një cigare, për të cilën raportuesi bën me dije se është hashash dhe pranë i është afruar mësuesi.
Gjithçka ndodh në një shkollë 9-vjeçare në jug të qytetit të Durrësit.
Djali është maturant dhe mësuesi ndonëse ndodhet pranë tij, nuk di si të sillet apo se çfarë të bëjë.
Nëse e dhunon, denoncohet në polici, e nëse e nxjerr jashtë, nxënësi nuk i bindet. Situata në shkollat tona, e sidomos respekti ndaj figurës së mësuesit, me sa duhet po shkon drejt agravimit.
(BalkanWeb)