KORÇË – Polici i kufirit në Korçë, Gjergji Gjorgji ka masakruar 59 vjeçarin Ilir Terolli. “BalkanWeb” ka mësuar se ngjarja ka ndodhur në 18 nëntor, por megjithë denoncimin në polici dhe prokurori ende nuk është marrë asnjë masë ndaj policit i cili vijon ende punë në pikën e kalimit të kufirit, në Goricë.

NGJARJA
Në 18 nëntor, 59 vjeçari Terolli, i shoqëruar edhe nga persona të tjerë, në një kafenë në qytetin e Kosturit në Greqisë, ka dashur të paguajë kafen e bashkëshortes së policit dhe të një shoqe të saj, meqe prej 15 vjetesh njihej me bashkëshortin e saj. Terolli në një prononcim për “Mozaik Media” tregon se “disa ditë me pas u takova rastësisht me policin Gjorgji, të cilin e njihja prej 15 vjetësh. U habita kur m’u drejtua sikur unë paskam dashur të bëhesha ‘hamshori’ i gruas së tij. Më pas më goditi me grusht në sy, më shtriu përtokë dhe me këpucë më godiste në fytyrë. Rashë pa ndjenja dhe u zgjova në spital. Hundën e kisha të thyer, kisha plagë, por më kryesorja është se kam humbur gjysmën e shikimit të njërit sy”, ka rrëfyer 59 vjeçari Ilir Terolli, i masakruar egërsisht nga polici i kufirit.

DENONCIMI
Nga ambjentet e spitalit të Korçës, familjarët e Terollit kanë bërë denoncimin në polici. Por edhe pse në ambjentet e spitalin e kanë vizutuar mjeku ligjor, kryeinspektori i SHKB-së rajonale edhe Prokurori asnjë masë nuk është marrë ndaj policit Gjorgji. Mjeku ligjor dëmtimet i ka klasifikuar si rrahje me pasoja të lehta ndërkohë që mësohet se inspektori i SHKB-së e ka lënë dosjen të flerë, duke mos e përcjellë tek eproret e tij, ndërsa prokurori, Ilia Bano është shprehur se po e heton ende ngjarjen.

KËRCËNIMET
Por nga ana tjetër, polici Gjergji Gjorgji vazhdon presionin ndaj familjes Terolli për të tërhequr denoncimin. 59 vjeçari denoncon mediatikisht rastin duke thënë se Gjorgji i ka kërcënuar bashkëshorten dhe nusen e djalit që të tërheqin denoncimin. “Të gjitha këto pasi unë kam refuzuar sekserët e tij, të cilët më ofruan 10 milion lekë të vjetra për të tërhequr denoncimin”, – shprehet Terolli.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: