Kryetarja e Kuvendit, Elisa Spiropali, është takuar sot në Kavajë me ish-Presidentin Alfred Moisiu.
Ajo ka ndarë disa foto në rrjetet e saj sociale ndërsa ka ndarë edhe një lajm për publikun duke premtuar se do të bëhet realitet kërkesa e Presidentit Moisiu për ngritjen e një muzeu në Kavajë në nder të Aleksandër Moisiut, qytetin e origjinës së këtij artisti të shquar, për të nderuar jetën dhe krijimtarinë e tij.
“Në Kavajën bujare e krenare, një kafe me të urtin, Presidentin Alfred Moisiu, figurë emblematike dhe të respektuar, jo vetëm për qytetin, por për mbarë Shqipërinë.
Në vitin e Aleksandër Moisiut, artistit të madh që lidh kulturën shqiptare me atë austriake dhe botërore, do të bëjmë realitet kërkesën e Presidentit Moisiu për ngritjen e një muzeu në Kavajë, qytetin e origjinës së këtij artisti të shquar, për të nderuar jetën dhe krijimtarinë e tij”, shkruan në rrjetet sociale Spiropali.
(BalkanWeb)
