BRITANI E MADHE
Meghan Markle është në mujin e nëntë të shtatzënisë dhe dhe shpejti pritet të sjellë në jetë fëmijën e saj të parë. Pak ditë më parë një zëdhënës i Kensington Palace ka njoftuar mediat që të mos presin asnjë lajm zyrtar në lidhje me lindjen e fëmijës së princ Harry dhe Meghan.
”Duka dhe dukesha e Sussex-it janë mirënjohës për urimet e mira që kanë marrë nga njerëzit ndërkohë që po përgatiten për të sjellë në jetë fëmijën e tyre. Shkëlqesia e saj ka marrë një vendim personal për t`i mbajtur private planet në lidhje me ardhjen në jetë të fëmijës. Duka dhe dukesha do ta ndajnë me të gjithë lajmin emocionues, pasi të kenë festuar së bashku si një familje e re,” –thuhej në deklaratën e pallatit mbretëror.
Ditën e sotme daily Mail ka publikuar disa foto ekskluzive të Meghan kur ishte fëmijë. Njëra prej tyre është bërë ditën e parë të jetës së saj më 4 gusht 1981 së bashku me nënën e saj. Fotot janë shpërnadrë për të përditshmen britanike nga daja i saj, Joseph Johnson.
(BalkanWeb)
