Një situatë e pazakontë është shënuar në Himarë, për shkak të motit të keq, që përfshiu sot vendin.
Në fotot dhe videot që gazetari Enrik Mehmeti sjell në redaksinë e “BalkanWeb”, shihet se dallgët e mëdha të detit kanë shkatërruar gjithë shëtitoren në qytetin bregdetar.
Siç shihet nga pamjet, uji ka vërshuar në shëtitore, duke marrë para e shkatërruar gjithçka. Prej orëve të para të mëngjesit të sotëm dhe gjatë ditës, Himara është përfshirë nga reshje të forta shiu dhe ere.
(d.ç./BalkanWeb)