Një apartament u përfshi nga flakët mëngjesin e sotëm në kryeqytet. Ngjarja në fjalë u regjistrua në një prej banesave sociale, pallatet e ndërtuara nga Bashkia e Tiranës në zonën e Shkozë “BalkanWeb” ka siguruar pamje nga apartamenti, që ndodhet në katin e fundit, ku shihet se si shtëllunga të mëdha tymi dalin nga dritarja.

Mësohet se në banesë kanë qenë çifti i bashkëshortëve dhe 3 fëmijët e tyre, të cilët kanë shpëtuar mrekullisht dhe pa lëndime. Raportohet se zjarri si fillim kishte rënë në kuzhinë, për t’u përhapur më pas në të gjithë banesën.

Zjarri Tek Banesat Sociale
Zjarri Tek Banesat Sociale

Pasi u njoftuan për ngjarjen, forca zjarrfikëse mbërritën në vendin ku ra zjarri, ndërsa bëri të mundur shuarjen e tij. Po ashtu ‘BalkanWeb’ mëson se brenda apartamentit është shkrumbuar gjithçka. Deri më tani nuk dihen rrethanat e ngjarjes në fjalë.

(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: