LIBRAZHD
Fshati Xhyrë në zonën e Librazhdit është zgjuar i tronditur mëngjesin e kësaj të premteje nga një ngjarje e rëndë, ndërsa protagonistë janë dy të rinj të martuar vetëm 5 ditë më parë.
Bëhet fjalë për çiftin Rezarta Hajdari dhe Olsian Hajdari, të cilët dyshohet të jenë vetëhelmuar dhe për pasojë gruaja ka ndërruar jetë në banesë, ndërsa bashkëshorti i saj ndodhet në gjendje kritike në Spitalin e Elbasanit.
Gazetari i “BalkanWeb” , Fatmir Popja ka siguruar foto nga ambientet e spitalit, aty ku bluzat e bardha po bëjnë të pamundurën për ta mbajtur në jetë bashkëshortin e 19-vjeçares së ndjerë.