Franca paralajmëroi të premten dy kandidatët për postin e kryeministrit në Britani të Madhe se nuk do të pranojë të rinegociojë marrëveshjen e daljes nga Bashkimi Europian duke konfirmuar edhe paralajmërimet e BE-së.

“Nëse Britania e Madhe kërkon të dalë nga BE-ja dhe nëse duan të dalin në mënyrë të rregullt, atëherë marrëveshja që ne kemi në tavolinë është marrëveshja që kemi negociuar prej dy vitesh”, njoftoi ministrja franceze për Çështjet Europiane, Amelie de Montchalin para shoqatës së medies ango-amerikane të mbledhur në Paris.

Kandidati favorit për postin e kryeministrit, ish-kryebashkiaku i Londrës, Boris Johnson, politikan pro-Brexit, do të përballet me ministrin e Punëve të Jashtme Jeremy Hunt në këtë garë për kreun e qeverisë britanike që do të përfundojë në fund të korrikut.