SUEDI

Një politikan në qytetin Sodertalje të Suedisë, anëtar i një partie të ekstremit të djathtë, është dënuar me 40 ditë burg pasi ofendoi Islamin dhe muslimanët.

Politikani u dënua pasi shpërndau në rrjetin social Facebook një postim të një grupi racist në të cilin thuhej se “Të gjithë muslimanët janë terroristë”, raportoi gazeta suedeze Expo.

Gjykata në Sodertalje e ka dënuar politikanin, emri i të cilit nuk është publikuar  me 40 ditë burgim, të cilat gjykata i ka shndërruar në gjobë prej 2.000 kronësh (190 euro).

Ndërkaq, Gjykata e Lartë e ka miratuar vendimin e gjykatës lokale pas ankimimit të parashtruar.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: