Presidenti i Frances Emanuel Macron nga data 18 tetor deri sot ka deklaruar kater here se ne Bruksel shumica e vendeve ishin kunder hapjes se negociatave me Shqiperine, pra me Edvin Mafine dhe qeverine e tij.

Keto deklarata te tij, perveç Edvin Mafise qe ne çdo fjale nxjerr dy genjeshtra, nuk e ka pergenjeshtruar asnje personalitet nga Komisioni Europian apo nga 28 vendet anetare te BE te pranishem ne Samitin e 18 tetorit ne Bruksel.

Per me teper, keto dite vetem 7 vende nga 28 vendet anetare te BE firmosen nje kerkese drejtuar Komisionit Europian per nisjen e procesit te shqyrtimit te hapjes se negociatave me Shqiperine, kurse 21 vende te tjera refuzuan te firmosin kerkesen.

Presidenti Makron gjithashtu ka deklaruar se per te mbrojtur Shqiperine nga nje poshterim i thelle dhe historik, Franca bllokoi hapjen e negociatave me Maqedonin e Veriut per te cilin pothuaj shumica e vendeve ishin dakord per hapjen e negociatave.

Javen e kaluar Franca ka dorezuar paketen e propozimeve te saj per ndryshimin e procedurave te zgjerimit te BE.

Kjo platforme nuk mbyll apriori procesin e zgjerimit per Shqiperine por bazohet ne pranimin e mesimit te historise se demokracite mund te bejne regres dhe te perfundojne ne diktatura. Prandaj dhe paketa nuk mbyll krejt dyert e zgjerimit por i ngushton ato dhe i ben te pakapercyeshme per narkoshtete, narkoqeveri e llojit te Edvin Mafise.
Paketa njeh dhe vlereson progresin por kerkon qe te jete i vertet dhe i prekshem dhe madje e shperblen ate edhe me fonde strukturore.

Por ajo kerkon verifikimin dhe vertetimin e tij dhe jo mashrimin siç ndodh sot me Shqiperine, e cila ndonese nuk ka plotesuar asnje nga 7 kushtet e nje viti me pare te Bundestagut, çka e detyroi kete te fundit te vendose perveç atyre edhe dy kushte shtese, perseri thuhet nga disa se ajo i ka plotesuar kushtet.

Por, siç theksova ne fillim, paketa e Frances per reformen e zgjerimit parashikon ne raste ngadalesimi ose regresi te reformave dhe demokracise, bllokimin e negociatave me vendin aspirant dhe madje perjashtimin e tij nga procesi i zgjerimit.

Ne te vertet kjo kaluzole eshte e shprehur qarte edhe ne vendimin e fundit te votuar nga Bundestagu per Shqiperine, i cili tashme ka forcen e nje ligji. Keshtu qe kjo klauzole mund te thuhet se do pranohet dhe Shqiperia me zevendesimin e shtetit ligjor me narkoshtetin mund te perjashtohet nga procesi i zgjerimit te BE pa u vendosur fare hapja e negociatave!

Ketu me poshte keni zberthimin qe i ben paketes te paraqitur nga presidenti Macron radio publike gjermane DW! sb

Deutsche Welle zbërthen projektin e Makron për integrimin e Ballkanit në BE

Fjala është për një qasje të re në procesin e anëtarësimit “objektivi final i të cilit do të jetë anëtarësimi i plotë dhe i pakufizuar” i shteteve kandidate në BE. Në dokumentin e punës që Franca e paraqet për diskutim riafirmohet “mbështetja pa ekuivoke për perspektivën evropiane të shteteve të Ballkanit Perëndimor. Shqipëria, Maqedonia e Veriut, Bosnjë dhe Hercegovina, Kosova, Mali i Zi dhe Serbia i përkasin Evropës, në bazë të historisë, kulturës dhe gjeografisë së tyre”, shkruhet në dokumentin francez.

“Anëtarësimi faktik” i këtyre shteteve “sapo të jetë reformuar Bashkimi Evropian dhe të jetë bërë më efikas dhe i aftë të reagojë më mirë për shtetet e tij anëtarë dhe shtetet kandidate do ta bëjë Evropën më sovrane dhe më të bashkuar”, theksohet më tej në hyrje të dokumentit francez për zgjerimin e BE.

Katër parimet e një qasjeje të re

Sipas Francës, “transformimet e thella politike, ekonomike dhe sociale, të nevojshme për një anëtarësim të ardhshëm në Bashkimin Evropian vazhdojnë të jenë shumë të ngadalta dhe përfitimet konkrete për qytetarët në shtetet kandidate mbeten të pamjaftueshme.”

Qasja e re që propozon Franca në dokumentin e paraqitur për diskutim bazohet në katër parime: “në asociimin gradual; në kushte të rrepta; në përfitime të prekshme; në mundësinë e kthimit pas.”
Përsa i përket pikës së parë, Franca kërkon që negociatat të organizohen “në blloqe të politikave, në të cilat do të përfshihen gradualisht shtetet kandidate”.

Kushtet e rrepta “duhet të mundësojnë në plan afatgjatë në mënyrë efektive konvergjencën me normat evropiane në fushën e sundimit të ligjit, por edhe konvergjencën ekonomike dhe sociale.”
Përfitime konkrete për kandidatët gjatë procesit të anëtarësimit do të thotë që të rritet “mbështetja financiare”. Këto përfitime aktualisht mungojnë, konstaton Franca, gjë që ndikon në mosfrenimin e lëvizjeve migratore.

Ky vend kërkon më tej që BE të ketë mundësinë të tërhiqet nga ky proces, “për të siguruar besueshmërinë dhe atraktivitetin” e procesit.

Emmanuel Macron para flamurit të BE

Me bërjen “më graduale të procesit të anëtarësimit”, Franca kupton që “të mos hapen më njëkohësisht një numër i madh kapitujsh tematikë”, por të ketë “disa faza pasuese, që të formojnë blloqe koherente të politikave dhe një skemë të paracaktuar nga BE, e cila mban parasysh tiparet specifike të secilit kandidat”. Për të kaluar në fazën pasuese, shtetet duhet “të respektojnë në mënyrë efikase kritere precize”; “radha e fazave graduale duhet të garantojë një ekuilibër të besueshëm midis aftësisë së shteteve kandidate për të marrë pjesë në një politikë, përfitimeve që priten nga këto shtete nga pjesëmarrja në një politikë, dhe nevojës për të ruajtur integritetin e Unionit dhe të politikave të tij.”

Përsa u përket “kushteve të rrepta”, Franca kërkon në thelb adaptimin e “indikatorëve të verifikueshëm thjesht dhe objektivisht” për matjen e kritereve. Përsa u përket “përfitimeve të prekshme”, pala franceze propozon në dokumentin e punës që të shqyrtohet krahas pjesëmarrjes graduale në politikat e BE “shtimi i mbështetjes financiare”. Për këtë mund të “zgjerohet në vëllim instrumenti i paranëtarësimit”, por që të konsiderohet edhe mundësia që shtetet kandidate të marrin pjesë “të fondeve strukturore që do t’u takonin po të ishin anëtare të BE, bazuar kjo në një rritje graduale në përputhje me fazat që kanë përfunduar dhe reformat.”

Kontrolli i fortë politik

Me futjen e parimit të mundësisë “për t’u kthyer pas”, Franca kërkon që në përputhje me shkallën e dobësisë ose të gabimeve të një shteti kandidat, të shqyrtohet mundësia që nga “suspendimi i përfitimeve të dhëna, te një hap pas në proces ose madje një suspendim i përgjithshëm, po të shkelen vlerat bazë të Bashkimit Evropian.”

Në pikën e “kontrollit më të fortë politik” Franca kërkon që të niset “një reflektim për një artikulim më të mirë midis Procesit të Berlinit, takimeve të nivelit të lartë dhe takimeve të nivelit të lartë BE- Ballkan”. Në këtë kuadër “mund të mbahet një takim vjetor i Këshillit Evropian me kryetarët e shteteve dhe të qeverive të shteteve të Ballkanit Perëndimor, për të trajtuar çështje me interes të përbashkët”.

Franca i kërkon Këshillit Evropian që t’i kërkojë Komisionit të formulojë mbi bazën e ideve franceze, para publikimit të Paketës së ardhshme të Zgjerimit në janar 2020, “propozime për metodën e re (organizimin, procedurat e vendimmarrjes, mekanizmat e monitorimit, rolin e institucioneve të ndryshme evropiane dhe të shteteve anëtare)”.