Gian Piero Gasperini thyen një tjetër rekord. Tekniku i Atalantës, pas suksesit të fundjavëz së shkuar, kur bergamaskët fituan thellë 5-1 ndaj Genoas, ka arritur të koleksionojë 900 pikë gjithsej si trajner në Serie A, duke parakaluar në renditje as më pak e as më shumë, por një prej trajnerëve më të njohur në Itali, Fabio Capellon, i cili kishte koleksionuar gjatë karrierës së tij si trajner në Serie A, plotë 899 pikë në 14 sezone.

Gasperini është aktualisht në sezonin e tij të 18 dhe objektivi i rradhës për të do të jetë të mbërrij një tjetër rekord të rëndësishëm, atë të teknikut madrilen, Carlo Ancelotti i cili në 15 sezone në Itali ka arritur të grumbullojë 950 pikë.