Gazetari gjermano-turk Deniz Yucel është liruar nga burgu në Turqi pasi u arrestua një vit më parë me akuzat për përhapje propagande në mbështetje të terrorizmit, shkruan BBC.
Rasti i Deniz Yucel, gazetar i ‘Die Welt’, ka shkaktuar tensione në marrëdhëniet mes Gjermanisë dhe Turqisë. Kancelarja Angela Merkel bëri thirrje një ditë më parë për lirimin e tij.
44 vjeçari Deniz Yucel u arrestua në Stamboll një vit më parë dhe u akuzua nga autoritetet turke se kishte shkruar propagandë në mbështetje të terrorizmit.
Yucel u arrestua pasi raportoi se e-maili i Ministrit të Energjisë së Turqisë ishte hakeruar.
Ai është ngë nga 100 gazetarët dhe shkrimtarët e arrestuar në Turqi pas grushtit të shtetit të dështuar në korrik të 2016.
Autoritetet turke i kanë akuzuar për lidhje me klerikun islamik Fethullah Gulen, i akuzuar nga Ankaraja për oragnizimin e grushtit të shtetit të dështuar.
(a.k/BalkanWeb)
