Tre gra u vranë me një hark në një shtëpi pranë Londrës, tha policia britanike.

BBC njoftoi se viktimat ishin Carol Hunt (61), gruaja e komentatorit të BBC-së, John Hunt, si dhe dy vajzat e tyre të moshës 25 dhe 28 vjeç.

Po punohet për gjetjen e sulmuesit, i cili dyshohet të jetë i armatosur dhe qytetarët janë paralajmëruar të mos i afrohen.

Policia thotë se personi i armatosur po ndiqet nga oficerë të armatosur, një dukuri e rrallë në Mbretërinë e Bashkuar. Dyshohet se ka qenë një sulm i organizuar.

I dyshuari për vrasjen është Kyle Clifford nga Londra, i cili u thirr nga policia për t’u vet-dorëzuar.

Tabloidet britanike raportuan se Clifford ishte ish i dashuri i njërës prej vajzave të vrarë.

Tre gra u gjetën të plagosur rëndë në një shtëpi në Bushy, në veri-perëndim të Londrës, të martën në mbrëmje ndërsa policia thotë se ato dhe mjekët e ndihmës mjekësore u përpoqën t’i shpëtonin, por ato u shpallën të vdekura në vendngjarje.