ITALI

Ata janë martuar në 2014 por Amal dhe George Clooney dashurohen akoma si ditën e parë. Në Romë, teksa ndodhen për punë, të dy kanë gjetur mundësinë për ti lejuar vetes një darkë romantike, në një restorant peshku në Campo de Fiori.

Të bukur dhe romantikë, ata kanë shëtitur nëpër rrugët e kryeqytetit italian dorë për dore, pa u ndarë për asnjë moment. Me binjakët e tyre 2 vjeç, nuk është e lehtë për Clooney të gjejnë pak hapësirë për intimitet.

Për çiftin me glamour të showbiziti, arsyet për të festuar nuk mungojnë. Pikërisht në këto ditë shtypi britanik ka shkruar për pasurinë e tyre, që i kalon të 266 milion dollarët. Një motiv më shumë për të shijuar ‘jetën e bukur”.

(da.xha/BalkanWeb)