Ish-deputeti i LSI Petrit Vasili përmes një statusi në rrjetin social “Facebook” kritikon fjalimin e kryeministrit Rama mbajtur përpara studentëve dhe pedagogëve.
Vasili shprehet se Rama përfaqëson një qeveri analfabetësh dhe nuk mundet që një qeveri e këtillë të verifikojë tituj shkencorë.
Reagimi i Petrit Vasilit:
Ua ua qeveria e analfabetëve do të verifikojë titujt shkencorë ?!
Kryeministri përballë pedagogëve, me kurajon e marrë që vjen vetëm prej padijes së thellë, mbushi bulçitë dhe me plot gojën tha:
“Ne do të mundohemi dhe të bëjmë transparencë. Pedagogët e mirë do të ndahen nga ata sharlatanët. Kjo bëhet përmes pikave që ne kemi menduar.”
Qeveria e analfabeteve, që as shqipen e ministrave të vet nuk qeveris dot, do të ndaje shkencëtaret nga jo shkencëtarët, do të ndajë të diturit nga të paditurit, do të ndaje dijetarët nga gënjeshtarët.
Gjëmë e padëgjuar kjo.
Siç ndajnë koncesionet dhe tenderat me qeveri ashtu duan të ndajnë edhe titujt shkencorë.
Edhe në kohën e Partisë së Punës një budallallëk i tillë nuk ndodhi kurrë, bile ishte e kundërta dhe shteti e partia nuk hynë deri aty.
Reforma më e mirë që mund të bëjë qeveria është të fusë në kurs veten për të mësuar shqipen, që e flasin si këmishë e veshur mbrapsht dhe e dyta të mësojne fare pak logjike aq sa niveli i shkollës fillore, se më shumë nuk mbajnë.
(d.xh/ BalkanWeb)