PUKE
Një trup i dekompozuar është gjetur sot në pyll, në afërsi të malit të Krrabit, në Pukë. Burime për ‘BalkanWeb’ bëjnë me dije se trupi i pajetë i përket shtetasit Zek Prenga, 45 vjeç, i cili është identifikuar nga familjarët në Morgun e Spitalit Pukë.
Dyshohet se trupi i shtetasit në fjalë ndodhej në pyll prej dy muajsh.
Sipas policisë, Prenga raportohet të ketë humbur kontaktet me familjen prej rreth tre muajsh. Ende nuk dihet shkaku i vdekjes së 45-vjeçarit, ndërsa sipas policisë në trupin e viktimës nuk janë konstatuar shenja dhune.
Shkodër/ Informacion Paraprak
Më datë 24.03.2019, sipër Staneve të fshatit Marrnaq, Njësia Administrative Qelëz, Pukë, është konstatuar kufoma e një personi.
Në vendngjarje ka shkuar grupi hetimor, ku është konstatuar një kufomë e dekompozuar, e seksit mashkull, rreth 170 cm i gjatë, dhe dyshohet se i përket shtetasit Z. P. vjeç 45, lindur në Gojan i Madh, Pukë dhe banues në Krujë (shpallur në kërkim nga Komisariati i Policisë Pukë për largim nga banesa më datë 08.12.2018).
Nga këqyrja paraprake e trupit nuk janë konstatuar shenja dhune apo të shkatuara nga ndonjë faktor tjetër
Veprimet do kryhen në Morgun e Spitalit Pukë, për sqarimin e rrethanave të ngjarjes.
(BalkanWeb)