Policia e Kosovës ka njoftuar për një rast të vdekjes së një personi në Prizren, ngjarja e cila ka ndodhur në orët e para të mëngjesit të së premtes, rreth orës 00:10, në rrugën “Tranziti i Ri”.
Sipas raportit, viktima, një mashkull kosovar që punonte si sigurim fizik, është gjetur pa shenja jete në vendin e tij të punës.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për të kryer obduksion, për të përcaktuar shkaqet e vdekjes. Policia ka filluar hetimet për këtë rast, ndërkohë që detajet e tjera përveç vdekjes mbeten të paqarta.
(Balkanweb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
