Shumica e gjermanëve parapëlqen heqjen e sistemit aktual të ndryshimit të orës në Europë dy herë në vit, sipas një sondazhi të kompanisë së sigurimeve shëndetësore, DAK.
Rreth 80% e të anketuarve thanë se mendonin se ndryshimi i orës ishte i panevojshëm dhe duhej ndaluar. Rreth 1/4 e njerëzve të intervistuar nga DAK thanë se ata pësuan probleme shëndetësore si rezultat i ndryshimit të orës gjatë stinës së dimrit.
Akrepat e orës do të kthehen një orë pas gjatë natës mes 27-28 tetorit.
Sipas rezultateve të një anketimi në të gjithë kontinentin, i realizuar në muajin gusht, 84% e njerëzve dëshironin të hiqej ndryshimi i orës.
Në këtë sondazh, rreth tre milionë nga 4,6 të anketuar, ishin gjermanë.
”Shumë njerëz vuajnë si rezultat i ndryshimit të orës, me lodhje fizike dhe vështirësi për të fjetur”, sipas DAK-ut.