GJERMANI

Në kuadër të vizitës zyratre në Gjermani, Kryetari i Grupit Parlamentar të Partisë Socialiste, Taulant Balla dhe delegacioni që e shoqëron atë, u prit në një takim nga Sekretari i Shtetit, Stefan Mayer, në Ministrinë e Brendshme të Gjermanisë.

Lufta kundër kundër krimit të organizuar dhe rendit publik ishin në fokus të takimit, në të cilin socialisti Balla informoi zyrtarin gjerman për rezultatet e arritura si edhe angazhimin e institucioneve shqiptare në këtë betejë.


Nga ana e tij, z.Mayer vlerësoi punën e institucioneve shqiptare në këtë luftë dhe shprehu angazhimin dhe mbështetjen e tij dhe të Qeverisë gjermane, në vazhdimin e bashkëpunimit të ngushtë të ministrive të Brendshme dhe policive të dy vendeve.


  • foto galeri
  • foto galeri
  • foto galeri

Emigracioni i paligjshëm, ishte gjithashtu një tjetër temë diskutim. Duke shprehur vlerësimin e tij për atë që po bën Shqipëria për emigracionin e paligjshëm, Sekretari i Shtetit, z. Mayer, nënvizoi dhe rëndësinë e nënshkrimit të marrëveshjes me Agjencinë Europiane të Rojës Bregdetare dhe Kufirit ( Frontex), që është e para e këtij lloji në rajon.


 Gjatë diskutimeve në takim, Sekretari ra dakord që Reforma në Drejtësi dhe Vettingu i gjyqësorit po jep frytet e para duke nxjerrë jashtë sistemit gjyqtarët e korruptuar dhe të paaftë, si dhe inkurajoi diskutimin dhe miratimin e amendamenteve të reformës elektorale.

 Në fund të takimit z. Mayer nënvizoi edhe njëherë mbështetjen e Ministrisë së Brendshme gjermane dhe thellimin e bashkëpunimit në të ardhmen.

Në përfundim të takimit socialisti Balla komentoi përmes një statusi në tëitter mbi takimin me sekretarin e shtetit në Gjermani, Stefan Mayer.

“Gjermani dhe Shqipëria po rrisin bashkëpunimin mes policive të dy vendeve, në luftën ndaj krimit të organizuar” – shkruan Balla në një postim në tëitter, bashkëngjitur fotove nga takimi në ministrinë e brendshme gjermane.

 

Whatsapp Image 2018 11 20 At 10.41.22 (1)
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb