Nën masa të rrepta policore dhe me mijëra njerëz që protestojnë kundër saj, Alternativa për Gjermaninë (AfD) po zhvillon sot dhe nesër konferencën e saj në Rize të Saksonisë, nga e cila pritet që Alice Weidel të dalë zyrtarisht si kandidate për kancelare dhe të finalizojë programin zgjedhor.

Demonstruesit nga e gjithë Gjermania mbërritën në qytetin e vogël të Saksonisë që në orët e para të mëngjesit, me qëllim që të parandalonin zhvillimin e konferencës.

Fillimi i planifikuar tashmë po vonohet pasi 600 delegatët nuk mund të shkojnë nga hoteli i tyre në WT Arena, ku po mbahet konferenca.

“Ne vlerësojmë se rreth 10,000 njerëz kanë mbërritur tashmë në qytet,” tha një zëdhënës i policisë, i cili ndodhet në zonë me më shumë se 3,000 oficerë.

Formalizimi i zonjës Weidel nga AfD do të bëhet me klithma dhe ngritje duarsh dhe jo me votim të fshehtë, ndaj nuk priten probleme të veçanta nga opozita brenda partisë, ndërkohë që fërkimet më të rënda vlerësohet se kanë të bëjnë me përmbajtjen e programit dhe kryesisht çështjet e emigracionit, abortit dhe politikës evropiane.

Qindra amendamente janë paraqitur tashmë nga anëtarët. Përkufizimi i “imigrimit”, politika e famshme e Dexit dhe familjes janë pika pengese për ekstremin e djathtë gjerman.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: