Protestuesit dhe policia u përleshën në mëngjesin e sotëm në qytetin gjerman perëndimor të Essen, vendi ku do të fillonte kongresi dyditor i partisë Alternativa për Gjermaninë (AfD).
”Një grup i madh protestuesish u përpoqën të çanin kordonin e policisë rreth orës 5:45 të mëngjesit (0345 GMT)”, theksoi një zëdhënëse e policisë.
Oficerët përdorën spray piper dhe shkopinj për të ndaluar përparimin e tyre. Për momentin nuk dihet nëse ka të lënduar mes protestuesve.
Deri në 100 000 demonstrues pritet të mbërrijnë në Essen.
Autoritetet kanë shprehur shqetësimin se ndërsa shumica e demonstratave të planifikuara do të ishin paqësore, rreth 1 000 ekstremistë të krahut të majtë mund të përdorin mjete të dhunshme për të ndërprerë kongresin.
Grupet e krahut të majtë thanë se do të përpiqeshin të bllokonin hyrjet në vend me synimin për të parandaluar kalimin e delegatëve të AfD.
Rreth 600 delegatë të AfD po takohen në arenën e brendshme të qytetit Grugahalle, me bashkë-udhëheqësit aktualë Alice Weidel dhe Tino Chrupalla që kërkojnë rizgjedhjen përpara zgjedhjeve parlamentare të Gjermanisë në vjeshtën e vitit të ardhshëm.
