TIRANË- 70 shtetas shqiptarë të cilët kishin shkuar në Gjermani si azilkërkues janë rikthyer sot në Shqipëri. Avioni ka mbërritur në Rinas sot rreth orës 16:50, ndërsa mes azilkërkuesve shqiptarë kishte edhe gra e fëmijë.


Mes të kthyerve kishte edhe azilkërkues që prej 1 janarit në Gjermani. Ata deklaruan se nuk janë lajmëruar për kthimin. “S’na njoftuan, na thanë do iu ndryshojmë shtëpinë”.


Kthimi i tyre vjen në kuadrin e aksionit të ndërmarrë nga institucionet gjermane për kthimin e përshpejtuar në atdhe të azilkërkuesve shqiptarë.


(ma.ar/BalkanWeb)

Etiketa: