Migrantët e transportuar me varkë në detin Mesdhe që i janë nënshtruar procedurave për azil në Gjermani vitin e kaluar, janë lejuar të qëndrojnë në vend.

“Në një takim me dyer të mbyllura, duke iu drejtuar parlamentarëve , një përfaqësues nga Ministria e Brendshme deklaroi se, nga 225 personat e shpëtuar në det dhe të dërguar në Gjermani që nga korriku 2018, 138 prej tyre po u nënshtrohen procedurave për azil”, sipas pjesëmarrësve të takimit.

Rreth 47% e migrantëve janë lejuar të qëndrojnë në vend duke u dhënë azil, statusin e refugjatit ose mbrojtje suplementare sepse përballen me dëme serioze në vendin e tyre të origjinës.

Të hënën, Gjermania, Italia, Franca dhe Malta bën me dije një marrëveshje për të rishpërndarë migrantët e shpëtuar nga deti, raporton ATA.

Ministri i Brendshëm gjerman, Horst Seehofer deklaroi dje se,”marrëveshja mund të jetë themeli i një politike të re, të përbashkët për azil që udhëhiqet nga solidariteti.