GJIROKASTËR- Policia e Gjirokastrës ka vënë në pranga një 47-vjeçar pasi akuzohet për përndjekje. Sipas të dhënave zyrtare, nga ana e specialistëve të Seksionit për Hetimin dhe Parandalimin e Krimeve është arrestuar në flagrancë shtetasi Vilson Iljazi, banues në Tepelenë.
Arrestimi i tij u bë pasi për një periudhë prej 2 muajsh,ka përndjekur në mënyrë të vazhdueshme shtetasen me iniciale SH.M., 30 vjeç, banuese në Gjirokastër, e cila ka bërë kallëzim penal. Materialet i kaluan Prokurorisë së Rrethit Gjyqësor Gjirokastër për veprën penale “Përndjekje”.
(m.k/BalkanWeb)