Vëllezërit Menendez mund të lirohen nga burgu jo më vonë se të enjten e 28 nëntorit, sipas avokatit të tyre, përpara datës së rigjykimit të tyre në Gjykatën e Lartë të Los Anxhelosit.
Erik dhe Lyle Menendez kanë qenë pas hekurave për 35 vjet pasi u burgosën për vrasjen e nënës dhe babait të tyre në vitin 1989, pas pretendimeve se ata iu përgjigjën në vetëmbrojtje abuzimit seksual nga babai i tyre, ndërsa nëna e tyre nuk bëri asgjë për t’i mbrojtur ata.
Më pas ata u gjykuan përsëri në vitin 1996, pasi një gjykatës urdhëroi që dëshmia e abuzimit seksual të hidhej poshtë, duke bërë që vëllezërit të shpalleshin fajtorë për vrasje, duke u dënuar me burgim të përjetshëm.
Megjithatë, kjo mund të ndryshojë pasi letrat që Erik i shkroi kushëririt të tij, ku përshkruante abuzimin seksual, së bashku me një deklaratë nga ish-anëtari i Menudo, Roy Rossello, i cili e akuzoi atë për të njëjtin lloj abuzimi, siguruan prova që dënimet duhet të anuloheshin.
Kur mund të lirohen vëllezërit Menendez?
Sipas avokatit personal të vëllezërve, lirimi mund të ndodhë së shpejti.
“Unë besoj se para Ditës së Falënderimeve, ata do të jenë në shtëpi,” tha avokati Mark Geragos gjatë një konference për shtyp. “Unë ende e besoj këtë.”
Ata nuk do të lirohen menjëherë nga hekurat, por dënimi i tyre i përjetshëm do të reduktohet për t’i lejuar ata të kenë të drejtë për lirim me kusht. Një bord do të përcaktojë nëse janë kërcënim për shoqërinë dhe nëse janë penduar dhe janë reformuar në burg.
Dhe kjo mund të shkojë në favor të 53-vjeçarit dhe 56-vjeçarit, të cilët janë shquar si të burgosur model, pasi rrallë, për të mos thënë asnjëherë, nuk kanë shkaktuar probleme brenda burgjeve.
“Për shkak të moshës së tyre sipas ligjit, duke qenë se ata ishin nën 26 vjeç në kohën kur ky krim ka ndodhur, ata do të kenë të drejtë për lirim me kusht menjëherë,” u tha Gascon gazetarëve. “Edhe pse nuk e mendonin se do të liroheshin ndonjëherë, ata u angazhuan në një udhëtim tjetër: një udhëtim shpengimi dhe një udhëtim rehabilitimi. Unë besoj se ata e kanë paguar borxhin e tyre ndaj shoqërisë dhe sistemi ofron një mjet që çështja e tyre të shqyrtohet nga një bord i lirimit me kusht. Është në dorën e gjykatës që ta marrë atë nga atje.”
Data e rigjykimit është caktuar për të martën, më 26 nëntor, dy ditë para festimit të Ditës së Falënderimeve.
