Në emisionin e sotëm italian “FuoriTG”, në Rai 3, është folur për rrezikun e lirë së fjalës dhe shtypit në Shqipëri, prej nismave qeveritare.

Lidhur me këtë fakt ka reaguar ish-deputetja e Partisë Demokratike, Albana Vokshi e cila shkruan se në emisionin titulluar “Shqipëria: Gojët e qepura”, ku flitet se projektligjet e qeverisë, këto të fundit cënojnë rëndë informimin e publikut dhe përkeqësojnë punën e gazetarëve.

Më tej, ish-deputetja demokrate shkruan se dy projektligjet e propozuara nga Rama, e vendosin median online totalisht në kontrollin e qeverisë, ndërsa shpreh bindjen se me ardhjen e PD në pushtet ky ligj do të anulohet.

Postimi i plotë i Vokshit:

Rai3, emisionin e sotëm FuoriTG, ia ka kushtuar përsëri Shqipërisë, këtë herë rrezikut të lirisë së fjalës dhe lirisë së shtypit prej nismave qeveritare.

Albania: Bocche Cucite”, “Shqipëria: Gojët e qepura” titullohet emisioni i sotëm, që trajton gjatë çështjen e shumë debatuar ditët e fundit në Shqipëri, atë të rrezikut të lirisë së fjalës në një skenar mediatik të kushtëzuar nga raportet gjithnjë e më të ngushta të linjës editoriale dhe pushtetit politik.

Në këtë skenar, projektligjet e qeverisë që cënojnë rëndë informimin e publikut dhe përkeqësojnë punën e gazetarëve do të kenë efekt domino në demokracitë e brishta ballkanike.

Në Tiranë prej disa ditësh, OSBE, Këshilli i Evropës, Bashkimi Europian dhe UNDP kanë kundërshtuar draftet e ligjeve të censurës mediatike. Nga Leipzig, Vjenë, Bruksel, Berlin, 7 organizata mediatike ndërkombëtare, së bashku me 15 organizata kombëtare, prej muajsh i kanë kërkuar Kryeministrit Rama të tërheqë 2 projektligjet që shkelin standartet ndërkombëtare dhe të drejtat kushtetuese të lirisë së medias, lirisë së fjalës dhe të së drejtës për informim.

Dy projektligjet e propozuara nga Rama, e vendosin edhe median online totalisht në kontrollin e qeverisë.

Edi Rama, në përpjekje për të kontrolluar çdo zë kritik, po rikthen gjyqet politike si një presion tjetër dhe rrezik për lirine e medias. I tillë është edhe rasti i Jetmir Olldashit, i cili është kërkuar të dënohet vetëm sepse zbuloi përfshirjen në trafikun e drogës të vëllait të Ministrit të Brendshëm.

29 vjet më parë, ne u rreshtuam në krahun e lirisë së fjalës. Dhe nuk kemi ndërmend të heqim dorë prej saj.

Rruga e vetme për Edi Ramën është tërheqja e projektligjeve antidemokratike, antikushtetuese, që mbyllin gojën e medias online.

Nëse ai do t’i shkojë deri në fund rrugës së vet të rrezikshme, që cënon më tej imazhin e Shqipërisë dhe dëmton pozicionin e vendit në OSBE, PD do ta anullojë këtë ligj antidemokratik menjëhrë sapo të marrë besimin për qeverisjen e vendit.

  • foto galeri

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb