Një grup kriminelësh grabitën një automjet të blinduar që udhëtonte drejt Leçes, me paratë e marra nga një bankë në Brindizi. Vlera e grabitur llogaritet në 3 milionë euro

Makina e blinduar që transportonte paratë u sulmua në rrugën shtetërore 613, në zonën e Brindisit, pranë Torchiarolos, ku të paktën shtatë makina dhe furgona u dogjën në të dy drejtimet për të penguar ndërhyrjen e policisë.

Kriminelët e armatosur me automatik, pasi bllokuan makinën e blinduar, përdorën një krik për të ngritur mjetin e blinduar dhe për të vendosur një lëndë shpërthyese poshtë saj.

Ngjarja ka ndodhur rreth orës 08:30 të mëngjesit të sotëm, të enjte 4 korrik, kur kriminelët kanë bllokuar rrugën shtetërore në drejtim të Brindisit, duke i vënë flakën një furgon dhe një makine në qendër të rrugës. Më pas banda krijoi një rrugë shpëtimi në anën tjetër të rrugës, duke penguar në të njëjtën mënyrë kalimin e mjeteve në drejtim të Leçes, me dy makina të tjera, po ashtu të djegura, në kryqëzim.

Makina e blinduar po udhëtonte drejt Leçes, me paratë e tërhequra nga një bankë në Brindizi. Ai u shoqërua nga një furgon tjetër i blinduar blu. Në bordin e dy automjeteve ndodheshin gjithsej pesë roje sigurie. Grabitja ka ndodhur pranë karburantit Q8 në kryqëzimin për Torchiarolo, drejt Leçes.

Grabitja ishte përgatitur në detaje. Grabitësit i vunë flakën të paktën shtatë automjeteve për t’i bllokuar rrugën policisë dhe për të pasur një rrugë të lirë arratisjeje.