Prokuroria e Posaçme ka kërkuar 19 vite burg për Talo Çelën, në lidhje me vjedhjen e 4.6 milion eurove në aeroportin ndërkombëtar të Rinasit, ngjarje e ndodhur në vitin 2019.
Lajmi konfirmohet për BalkanWeb nga gazetarja Klodiana Lala.
Për grabitjen spektakolare të 4.6 milionë euro në prill të vitit 2019, Gjykata e Posaçme ka dënuar në Tetor 2023 me 122 vite burgim për 7 të pandehurit e grupit kriminal.
Numri dy i bandës, Klement Çala do të qëndrojë pas hekurave për 20 vite, ndërsa për gjashtë të tjerët të arrestuar për grabitjen: Oltion Veseli, Renaldo Sulaj, Saimir Cela, Oltion Pikli, Alkon Bengasi dhe Eldi Çala, trupa gjykuese dha nga 17 vite burg për secilin.
Dënimet janë më të ulëta se ato të pretenduara nga Prokuroria e Posaçme, e cila për Klement Çalën kërkoi 24 vite burg, ndërsa për gjashtë të pandehurit e tjerë nga 19 vite.
(BalkanWeb)
