Faruk Koca, presidenti i Ankaragucu, ka dhënë dorëheqjen e tij pas një incidenti ku goditi me grusht gjyqtarin Halil Umut Meler, menjëherë pas vërshëllimës së kryesorit.  Gjithçka ndodhi pas barazimit 1-1 të Ankaragucu me Rizespor në Super Ligën Turke (barazim i ardhur vetëm në fund me penallti), duke shkaktuar pezullimin pa afat të futbollit turk.

Vetë ndeshja u dëmtua nga një sërë episodesh të diskutueshme, duke përfshirë dy kartonë të kuq, respektivisht për Ali Sowe të Ankaragucu dhe Emirhan Topcu të Rizespor.

“Mund të them se asgjë nuk mund të legjitimojë apo shpjegojë dhunën që kam kryer. Fushat sportive duhet të jenë vendi i konkurrencës zotërinjsh. Çdo qëndrim që hedh hije mbi lojën e ndershme, duke përfshirë edhe timin, nuk duhet të jetë i pranishëm në stadiume” – Shkruan Koca.

(J.S/BalkanWeb)