Prezantuesi i “Fox News” Pete Hegseth i habiti të gjithë kur deklaroi gjatë një interviste se kishte dhjetë vite që nuk i lante duart. Duke folur për emisionin “Fox and Friends”, Hegseth tha se mikroorganizmat infektive nuk ekzistonin sepse nuk mund të shiheshin me sy të lirë.


“Kështu fiton edhe imunitet” deklaroi Hegseth i cili është diplomuar ne Harvard dhe Princeton.


Pohimi i tij erdhi pasi prezantuesit nisën të bëjnë shaka me të pasi në ambientet e televizionit njihej si person që konsumonte picat e mbetura.


“Synimi im për vitin 2019 është që të deklaroj në transmetim direkt, gjëra që nuk i them vetëm me miqtë” u shpreh ndër të tjera prezantuesi i njohur. Komentet e tij u përballen me humor por edhe shqetësim në rrjetet sociale në lidhje me higjienën e 38 vjeçarit.

(m.a/BalkanWeb)