Lojtari i Kombëtares së Belgjikës, Eden Hazard, teksa ka folur në një konferencë për shtyp është ndalur edhe tek trofeu i “Topit të Artë”.
Belgu ka s’kualifikuar nga lista Ronaldon, Mesin, por interesant është fakti se edhe veten nuk e sheh si fitues, por s’e përjashton si mundësi.
“Nuk mendoj se unë do të fitoj. Në mendimin tim besoj se Luka Modriç e meriton atë. Janë tre apo katër lojtarë që e meritojnë. Do thosha edhe Varane e meriton, sepse ka fituar shumë. Edhe unë mund ta meritoj dhe kjo nuk është çudi”, tha ai.
Sulmuesi i Kombëtares së Belgjikës është i qartë në mendimin e tij dhe trofeun e sheh në duart e Luka Modriç, i cili zhvilloi një sezon fantastik tek Reali, por edhe në Kupën e Botës në Rusi me Kombëtaren e Kroacisë.
(n.m/BalkanWeb)